traraann.. istaring: butiucui!

traraann.. istaring: butiucui!

butiucui©siwalangsinukuan

butiucui©siwalangsinukuan

Paquilala mi ia pu quecaiu ing caiabe mi. Ing laguiu na pu Butiucui. E mi ne pu pabalu nung nanu ia apelidu, macanian man buri mi pung pabalung ing pibatan nang pibale-bale maiacaian ia pu’t mabandi ia. Ini pu ing sangcan o ba’t ia ing quinua ming model i Butiucui. Quen pung lalam abalu ra’ng malino ining bagueng ini.

I Butiucui pu ia ing peca-model mi queng daque nining bilungan a maquipamagat a ‘Aniang Malati Cu‘. Bali i Butiucui pu ing papaquit quening pamagat na nining daque ‘Aniang Malati Cu‘.

Migpa-odision que pu quetang aldo. Pepabalu ming mangailangan queng metung a model a anac para pin quening quecaming daqueng ‘Aniang Malati Cu‘. Maracal la pu reni’ng mequibat. At quetang misan a duminggu, inaus mi la rening micaguiam a maquiabe quecami bilang model queti. Careni pung dacal a meg-aplai bilang model nining ‘Aniang Malati Cu‘, i Butiucui mu pu ing meiaquit na taganang ‘diserbing’ o carapat-dapat quening catungculan a anac a model queti. Baquit? nga ra uaring cucutang. Casi pu….

O casi pu….. O casi pu…. O casi maganaca ia i Butiucui! Ua.

O, sigue na pen sabian mi na ing tutu.

Maragul iang pamilia ing ibatan nang Butuicui. Queta pung milabasan a Duminggung meg-odision ia i Butiucui queti, dinatang iang maca-Limosin. Ing Limosin na macapadurut ia pang tangquing pangdigma (pangguera). Cucurug la. Caparada na ning Limosin nang Butiucui queng arap mi, atin metung a lalaquing mamalaguang quinuldas quening Limosin at paparac iang tinalacad queng arapan mi (cabud nia mua). Babie ne ing selpoun (cellphone) ning lalaqui.

O paquibatan ie, ian!” nga na. “Pota na que mu magpaquilala. Ala na co pang dacal a cucutang!’ nga na pa.

Ninu pu ini’ng queng teleponung bisang maquisabi quecami?” nga mi.

Malacaniang. Ing Presidenti!” nga na.

O ita queng malaguang sabi, metanggap ia i Butiucui bilang model ning bilungan tamung ‘Aniang Malati Cu‘. E mi na pu sasabian pa carela nung baquit mecatangu cami o nung macananu queng tinangu. Sensord!

Macanian man pu, atin iang talent o asabi tamung cabiasnan na i Butiucui. Mamangan ipas! Quitang’nan mi ne man ing lalaquing babaung alac panguisnaua a caiabe nang Butiucui.

Nanu uari pu, ing balu nang gauan Butiucui?” nga mi quetang lalaquing abe na (mataram ia lupa itang lalaquing ita, malutu ia mata, at babau iang alac panguisnaua, ala ia canung pera nga na at ala iang maliaring ibaiad quecami, atiaca ne piburat-burat ing caiang tatalanan a armalait).

Nano? Nanung quitang io?” nga na nining lalaquing babaung alac a panguisnaua.

Nanu pu ing talent nang Butiucui?” nga ming minulit queng cutang.

Ah, mamangan ipas,” nga na nining lalaquing babaung alac a panguisnauang caiabe nang Butiucui.

Maliari mi ia pung subucan?” nga mi’ng quinutang pasibaiu quening lalaquing babaung alac panguisnaua.

Ua,” nga na.

At inaus ne i Butiucui. Mendacap iang ipas ining lalaquing babaung alac panguisnaua, atiaca no binie cang Butiucui.

Pacan mo carela,’ a nang Butiucui, tutuldu na cami.

Mengalutu cami lupa. Menacmul queng uaua. Linapit ia quecami ining lalaquing babaung ipas (ai, alac pala) panguisnaua, caibat binie no quecami rening ipas.

Canan io canu rening ipas, nga nang Butiucui” nga na quecami nining lalaquing cabud na mua a mangalutu mata at babaung alac panguisnaua.

E que bisa. Ninu uaring mabisang mangan metung tabung ipas?

Ipas o balas?” nga na nining lalaquing babaung malasing a ipas a panguisnaua at mangalutu matang cabud na mua.

Macanian mi lang pengan dening ipas. At tinggap mi ia i Butiucui bilang model na nining quecatamung bilungan a ‘Aniang Malati Cu‘.

Ngueni pu melinis queng quecami queti, alang carinat-dinat, alang caipas-ipas. E mi buring acaquit no’ng Butiucui dening ipas. Pota paquit na naman ing talent na.

_________

butiucui©siwalang sinukuan

butiucui©siwalang sinukuan

Macanian mu naman pu, carening casangcanan a mengasambitla queng babo, cambe reng aliua pang e mi na pa pitunggal-tunggal a babangguitan, i Butiucui mu naman pu ining mepili (pinili mi ia queng sangcan a e mi na pa sasabian) bilang talapagpaquilala quening bilungan a maiaiaus ‘Catutubung Panulu at Capaldanan ding Ninunu‘. At pauli na pu nining dapat maglupa iang lalung ‘biasa at matni buntuc’ i Butiucui, pepasuluran mi pung salamin patie paquilala ne ining bilungan o peids (page) a ‘Catutubung Panulu at Capaldanan ding Ninunu‘.

_________

butiucui©siwalangsinukuan

butiucui©siwalangsinukuan

At cabang atiu ta quening pisasabian diquil (o tungcul) cang Butiucui, malualas pu queng pilubluban mi na pabalu mu naman na i Butucui ing mepili (pinili mi ia queng sangcan a e mi na pa sasabian) bilang talapagpaquilala quening bilungan a maiaiaus a ‘Ing Capampangan‘. Queni pung pamagpaquilala nang Butiucui quening bilungan o daque (parti) ‘Ing Capampangan‘, pepalucas mi ia ining salamin nang Butiucui. E ne man pu taganang mapula mata i Butiucui (lauean ia ing sangcan queng babo nung baquit misan pepasuluran mi iang salamin i Butiucui).

_______

butiucui©siwalangsinukuan

butiucui©siwalangsinukuan

Macanian mu naman pu (e mi na sasabian mengapilitan cami’t mengapalipit gamat at balugbug) i Butiucui ia mu naman ing maguing tatalacad a talapagquilala queng bilungan tamung maiaiaus ‘Macapagmulala‘. E mi naman buring sabian ing mulala ia i Butiucui, uli’ng balu ta naman ing catutuan at deni mu naman maquibalu cang Butiucui lalu na rening caiang pibalebale ibatan at dening carelang camag-anac at caluguran. Deni pung calamnan na nining bilungan o daque ning bilungan tamung maiaiaus ‘Macapagmulala‘ e no man taganang macapagmulala, nung e bague la mung cailangan dinan pansin at isipan casi mapilan careni pambiira la’t e la pane maliliari queng Capampangan.

__________

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: