nga ni’ng nunu cu 3

11/11/2012

alang asabi

acalap neng papa osmubal

nanu cano?: ala’ng asabi
macananu cano?: Matinu iang tau ian, ala cang asabi caia.
macananu cano?Ala cang asabi caia, nanu mu manamdaman ia.
na? nanu cano?: 1) maiap ia dapat; ala ca’ng apintas caia; masampat ia dapat; masanting ia dapat; uliran ia; ala cang aiatung marauac queng dapat na’t panguilus; maiap ia pamisip; maiap ia panguilus 2) maina ia capanamdaman (nanu mung sabian mu manamdaman ia); nanu mu ing sabian mu mamarauacan (mamarocan) na; nanu mu ing sabian mu manasaquit ia lub; e maliari queng tapatan a salita 3) e mipabulad; e macapagsalita; mangapamulala; mangapatunganga; magtaca; mabigla; mangapatunganga o mangapamulala pauli ning pangabigla

__________


nga ni’ng nunu cu 2

11/11/2012

mete cucu

acalap neng papa osmubal

nanu cano?: mete cucu
macananu cano?: Ala ia’ng apapala queng bie na, mete ia rugu cucu.
na? nanu cano?: malas (Sp); damalas (Sp); caramalasan (Sp); saui ia palad; saui ing palad; sauing palad; sauimpalad; alang palad; matiura capalaran; alang capalaran; mete lub; maina lub; alang caguiuan (alang caiaguiuan); alang guiu; alang balung gauan; maclac a buntuc; alang balung paralan; alang balung paralan queng bie; mamasa careng aliua; e na aguiung bumie; e macagauang bagueng ia mu ing dili; e na aguiung bumieng ia mu ing dili na; alang dispusisiun (Sp); alang sarili nang dispusisiun (Sp); e macapagdisisiun sarili na (Sp); ala iang sarili nang disisiun; malamlam; lemiac-lemiac; mabagal misip; e alistu (Sp); e maguilas; balamu mete ia pamicacatauan; mete isip; asneng calagad cumilus; asneng calagac misip; asneng calagad gagauang bague; palpac; palpaquin; pane mali ing daraptan na; pane ala iang ararapat masalese; e masalese dapat; matamad; macupad; palaclaquin; papacanan; alang capanintunan; lamaran

___________
* Ini na pung palatandang ‘Sp’ mangabaldugan iang ‘Castila’ o ‘Ispaniol’.

___________


nga ni’ng nunu cu 1

11/11/2012

mapapali buldit

acalap neng papa osmubal

nanu cano?: mapapali buldit
macananu cano?: O ian i Apung Berung, tiris-tiris ia, mapapali ia buldit.
na? nanu cano?: e mipaindatun; tiris-tiris; pildis-pildis (Sp); e panatag a isip; e panatag bili; alang capanatagan; matitigatig; e mipacali (Tag); alang capanatagan; alang capanatagan lub; alang capanatagan isip; balisa; mababalisa; balisa isip; balisa pilubluban; tatacut; balamu ing tatacut; anti ia mong tatacut; tacut-tacut; balamu ing tacut-tacut; anti ia mong tacut-tacut; mangatacutan; balamu ing mangatacutan; anti ia mong mangatacutan; magnerbius (Sp); balamu ing manganerbiusan (Sp); anti ia mong manganerbiusan (Sp); matitigatig; anti ia mong matitigatig; balamu ing matitigatig; masisindac; anti ia mong masisidac; malamu ing masisindac; alang capaiapan; alang capaiapan lub; alang capaiapan pamisip; mainip; mangainipan; talacainip; mamaligua; mamalagua; mapamaligua; mapamalagua; e macapanenaia; masasal; sasaioso; gagaritangtang; mangasungasug; mangasugasug; lalatuat

__________
* Ini na pung palatandang ‘Sp’ mangabaldugan iang ‘Castila’ o ‘Ispaniol’; macanian mu naman iting ‘Tag’ mangabaldugan iang ‘Tagalug’.

__________