ing capampangan #41

03/11/2013

ing capampangan


ing capampangan #41

donato b. pangilinan– anac ning santu tumas

pangilinan

 

___________________
* Ining cudtambie (cudtangbie) o talambie meiangu ia queng aclat a Ninu’t Ninu Qñg Capampáñgan: Bíluñgan dang Bie ding Ánac nang Carañgalan ning Lalawígan Capampáñgan nang Faustino Guitierrez, at melimbag ia quetang banuang 1934 capamilatan ning palimbagang Catimawan, carin queng calungsuran ning Menila. Mebalu ia ining cudtambie capamilatan na ning talasulat-talasuring Capampangan a Mike Pangilinan.

__________________

 


ing capampangan #40

03/11/2013

ing capampangan

ing capampangan #40
jose g. pangilinan– anac ning betis

pangilinan

___________________
* Ining cudtambie (cudtangbie) o talambie meiangu ia queng aclat a Ninu’t Ninu Qñg Capampáñgan: Bíluñgan dang Bie ding Ánac nang Carañgalan ning Lalawígan Capampáñgan nang Faustino Guitierrez, at melimbag ia quetang banuang 1934 capamilatan ning palimbagang Catimawan, carin queng calungsuran ning Menila. Mebalu ia ining cudtambie capamilatan na ning talasulat-talasuring Capampangan a Mike Pangilinan.

__________________


ing capampangan #39

03/11/2013

ing capampangan

ing capampangan #39
benito pangilinan— anac ning apalit

1240141_10201858511205951_281079282_n

___________________
* Ining cudtambie (cudtangbie) o talambie meiangu ia queng aclat a Ninu’t Ninu Qñg Capampáñgan: Bíluñgan dang Bie ding Ánac nang Carañgalan ning Lalawígan Capampáñgan nang Faustino Guitierrez, at melimbag ia quetang banuang 1934 capamilatan ning palimbagang Catimawan, carin queng calungsuran ning Menila. Mebalu ia ining cudtambie capamilatan na ning talasulat-talasuring Capampangan a Mike Pangilinan.

__________________


ing capampangan #38

15/10/2013

ing capampangan
galo b. ocampo@siwalangsinukuan

 

ing capampangan #38
galo b. ocampo– anac ning santa rita

Metung iang talalalang (talagulis) a Capampangan i Galo B. Ocampo. Tubu ia carin queng Balaian ning Santa Rita, Capangpangan, nung nu mibaiit ia quetang ca-16 ning bulan ning Octubri, banuang 1913. Mecapagaral ia carin queng Pamantasan ning Pilipinas. Meguing iang pangdigmang maninictic (talasiasat pangdigma) da reng Pilipinung lalabang carening Apon aniang Caduang Digmaang Pangmeto-iatu (Uorld Uar Uan) at canitang panaun mu naman a itang mequing iang Pangdigmang Capitan. Ining 1960s, quetang panaun nang pamanungculan Pangulung Diosdado Macapagal, mitulduan ia i Galo Ocampo bilang talapatuntun o talapamalacad na nining Pangpangulung Buluaga ning Pangcalinangang (Presidensial Miusium) carin queng Malacañang, at catuqui na nini, meguing ne man talapamuntuc na nining Pambangsang Buluagang Pangcalinangan (Nasional Miusium). Casagsagan ning panaun ning pamanungculang nang iti, meguing ia naman talapagturu carin queng Pamantasan ning Santu Tumas (UST) at macanian anti mu rin carin queng Pamantasan ning Maraiung Aslagan (Par Istern Iunibersiti, o FEU), nung nucarin meguing iang talapamuntuc nining Dulubasaan ning Malagung Calalangan (Department op Pain Arts) iniang 1971. Ining 1930s, cambe ra ri Victorio Edades at Carlos ‘Botong’ Francisco, lebanan ne’t tinangcang baiuan Galo Ocampo ining macaluma’t paurung a capamaralan ning pamanuru’t pamigauang calalangan. I Galo Ocampo cambe rening caiabe nang aduang talalalang, miglansad lang quimutan o quilusan ba ing queta sumulung ia’t munlad ing calalangan queng bangsa casaba nining macabaiung pamiisip (o modernismu). Ania iniang 1938, dening atlung talalalang a reti, memaglalang lang calalangan-pangdinding (miural) carening dingding da reng silid a pipanenaian da reng tau queng Pipanalben (Sinean) a Capitol at State, nung macananu milantad ia’t mibuiaguiag carening malda ining macabaiung pangbangsang caisipan quetang capanaunan ning comonuelt (commonwealth). Mecapagtatag iang pangsarili nang capamaralanang pangcalalangan i Galo Ocampo. Ing metung carening pecataniag nang gaua ia pin ining ‘Caiumangguing Dalaga’ (Brown Madonna), a gueua na quetang banuang 1928, nung macananu gueua neng diua’t asque catutubu ining Biren Maria. Dening queang ‘Terac Morus’ (Moro Dance) at ‘Terac Igurut’ (Igorot Dance) lalang lang magmasusi queng catutubung calinangan, at dening gauang deti melalang la queng capamaralanang macabaiu (o modernismu). I Galo Ocampo perala ne ning Arsubispu ning Menila, ining 1973, carin queng Roma, Italia, ba ing queta magsane ia’t magaral pamanggulis salamin (stained glass) a caiang dapat gauan queng Maragul a Simbaan ning Menila (o Catedral ning Menila). Meiangu ie bie i Galo Ocampo carin queng Lalauigang Birdiinia (Virginia), carin queng Bangsang Estadus Unidus, aniang ca-12 ning Setiembri, banuang 1985.

 

_______________

 


ing capampangan #37

04/11/2012

ing capampangan
cecile santos yumul


ing capampangan #37

cecile santos yumul: anac ning mabalacat

I Cecile Santos Yumul meiari iang cum laude, batielor op arts (bachelor of arts), queng capagaralang Ingglis at capagaralang pulitica, queng Pamantasan ning Mal a Angel (Oli Eindiel Iunibersiti, Holy Angel University) aniang 1978.

Metung iang gugusal para queng caiapan, rebolusiunariu istilu bilang metung a talaturu, manalacaran para quing dapat a tutung babie masabal, beiit iang metung a saguitariana quetang 1958.

Guilutan ing pamaniulat nang pamanialicsic o tisis (thesis) para quing caiang Dulubasaan o Em-Ei (MA) queng Literatura carin queng Pamantasan ning Santo Tomas, uli na ning pamuntucan nang pamaniaguip, at paniaup caring quepaliarian manibat banuang 1990 at dening dinatang pang panaun. Banuang 1992, bista’t man macanian, ia pa mu rin ing mepili at mirinan galal a pecamagaling a talaturu mabilug a bansang Pilipinas, queng gueua rang pamanialicsic dening queng PERAA nung ninu ing pecamagaling carening talaturu canita mabilug a bangsang Pilipinas.

Quetang banuang 1993, meguing iang patune ining tinggap nang galal a Pecataniag a Capampangan o Mous Autstanding Capampangan (Most Outstanding Kapampangan, MOKA) na taganang balu neng gamitan ing balang pinandit queng bie na, canita atin neng miguit atlumpulu’t apat (34) a banua lebasan queng pamanuru, miguit mu naman queng aduampulu’t ualu (28) a banua bilang metung a talapagbulalag-pangmalda o brodcaster (broadcaster) at mipatunaian ing guelingan na uling mirinan iang pamiquilala bilang caiabe carening meguing painalis (finalist) bilang Bes Pablic Apeirs Program Os (Best Public Affairs Program Host) nining KBP (Kapisanan ng mga Brodkaster sa Pilipinas) Golden Dab Auards (Golden Dove Awards) quetang banuang 2008.

Ing caiang pamanalacaran para queng ‘Indung Gabun at Alang Plastikan’ dininan dang MAWF at pelaguiuan deng Dangal ng Bayan Maharlika Award quetang banuang 2008 at tiquian ne ning Angelite (ning Holy Angel University) para queng Pamangambil Pangcalicasan o Enbaironmental Protecsion (Environmental Protection) ania naman 2011.

Metung iang talasulat queng capamasang-pang-Internet a eK! (electronic Kabalen). Ing palatuntunan nang Bukas Bayan (a mibubulalag queng radiu manibat banuang 1999 angga man nguening casalungsungan) mararamdam iang ca-8:30 anggang ca-9:00 ning abac queng DWRW 95.1 FM at agnan iang maiaialbe queng CLTV 36. Atin ia pang metung a palatuntunan quing radiu a maiaiaus ‘Kasama Ka sa 10K‘ (a mibubulalag queng radiu manibat banuang 2003 angga na nguening casalungsungan) at mararamdam ne man iti aldo’ldo, Lunis anggang Biernis, queng GV-AM 792 khz samulang ca-11:00 ning baiu-maugtu.

Dening anggang mesabing programa o palatuntuna maliari ra la naman aquit-alben at paquiramdaman nucarin la man queng danggut ning iatu capamilatan ning Internet a Ustream.

_________
* Ini nang talambie nang Cecile Santos Yumul meangu ia queng capampangan a ‘Tuglung: a Kapampangan Journal’ a linimbag ning Pangbangsang Cagauaran ning Calinangan at Calalangan (Nasional Comision por Cultiur en Arts, National Commission for Culture and Arts) quetang 2012. Quening mesabing aclat Tuglung: a Kapampangan Journal’ sinuiu iang tinalacad i Cecile Santos Yumul bilang Punung-talapaglicas capamilatan ning caiang upaia bilang caiagum nining lupung-talapatuntun o editorial board na nining aclat a Tuglung: a Kapampangan Journal’.

_________
* Ini na pung talambie misulat ia queng sulat-Capampangan a ‘c-k-q-y’ queng mesabing aclat a ‘Tuglung: a Kapampangan Journal’, at sineria neng linicas ning ‘Siuala nang Sinucuan’ (Siwala nang Sinukuan) quening sulat-Capampangan a taal (tal) a ‘c-q’. Capanupaian pu carening sablang caiagum nining lupung-talapatuntun o editorial board nining mesabing aclat at lalu na quening Pangbangsang Cagauaran ning Calinangan at Calalangan (Nasional Comision por Cultiur en Arts, National Commission for Culture and Arts) pauli na nining capangangasang nining ‘Siuala nang Sinucuan’ (Siwala nang Sinukuan).

___________


ing capampangan #36

20/10/2012

ing capampangan

jaclyn jose©siwalangsinukuan

jaclyn jose©siwalangsinukuan

ing capampangan #36
jaclyn jose: anac ning culiat (angeles)

Baiit ia queng matuang Culiat (Angueles) aniang ca-16 ning Marsu, banuang 1964. Ing tune nang laguiu ia ining Mary Jane Santa Ana Guck. Mequilala la ia carening mangasanting nang lebasan o genapan a penicula, calupa ra reng ‘Salumi’ (Salome), Wait Isleiberi (White Slavery), at Santa Uana (Santa Juana). Sinambut iang Pecabiasang Babaiing Gaganap o Bes Actres (Best Actress) ning Ep-Ei-Pi Auards (FAP Awards)  iniang banuang 1996 queng pialben a Da Plor Contemplasiun Istori (The Flor Contemplacion Story) at ania mu naman banuang 2004 queng peniculang Naglalaiag (Naglalayag). Sinambut iang Pecabiasang Caduang Gaganap o Bes Suporting Actres (Best Supporting Actress) queng Gauad Urian Auards (Gawad Urian Awards) aniang banuang 1990 capamaralanan ning palabas a Matio Danser (Macho Dancer), macanian mu naman aniang 1996 pauli ning peniculang Da Plor Contemplasiun Istori (The Flor Contemplacion Story). Sinambut iang Pecabiasang Babaing Gaganap o Bes Actres (Best Actress) queng Gauad Urian Auards (Gawad Urian Awards) aniang 1987 capamilatan ning palabas a Tacau Tucso (Takaw Tukso), at quetang banuang 1989 pauli ning palagueng Itanung Mo sa Buan (Itanong Mo Sa Buwan), at queta mu namang banuang 2006 pauli nining guenapan na queng peniculang Sarungbanggi (Sarong Banggi). Sinambut ia naman Pecabiasang Babaing Gaganap o Bes Actres op da Iiir (Best Actress of the Year) queng Istar Auards por Mubis (Star Awards for Movies) iniang 1996 pauli ning caiang peliculang Da Plor Contemplasiun Istori (The Flor Contemplacion Story).

__________


ing capampangan #35

20/10/2012

ing capampangan

jose gutierrez david©siwalangsinukuan

jose gutierrez david©siwalangsinukuan

ing capampangan #35
jose gutierrez david: anac ning baculud (bacolor)

Mananggul. Ucum. Caiagum-ucum ning Cacatascatasang Ucuman ning Pilipinas (1959 – 1961 ). Mecapagaral iang matas-pamagaral queng Matas Pipagaralan ning Pampanga o Pampanga Ai Iscul (Pampanga High School). Megaral iang batas at pamagmananangggul queng Escuela de Derecho queng Menila. Metanggap ia queng aguman deng mananangggul queng Pilipinas o Pilipin bar (Philippine bar) aniang banuang 1916. Meguing iang Caduang-ucum Pangcapaiapan ning balaian ning Sampernandu (San Fernando), queng Capampangan. Macataladua ia meialal bilang conseal (kasangguning pambalen) ning Sampernandu, Capampangan, manibatan banuang 1924 manggang banuang 1934. Meguing ne man sugu o tubud ning Capampangan queng Batasang Pambangsa aniang banuang 1934. Caibat mitalaga o mitutucan ia bilang Ucum ning Bababang Ucuman o Cort op Pers Instans (Court of First Instance) ning Pilipinas aniang banuang 1936.  At meguing iang Caiagum-ucum ning Bababang Ucuman o Cort op Pers Instans (Court of First Instance) ning Pilipinas aniang 1946. Caibat meguing iang Caiagum-ucum ning Cacatascatasang Ucuman o Suprim Cort op da Pilipins (Supreme Court of the Philippines) aniang 1959 mangga na aniang megretiru ia aniang banuang 1961.

_________