amanung lulugud at manintindi

cauatasan capampangan

pangari't anac©siwalangsinukuan

pangari’t anac©siwalangsinukuan

 

 

amanung lulugud at manintindi
ramil sabado

Kapilan ka tawli karela pesalamat
Kareng taung manibat kanita keka liningap
Pepadagul keka keng kapirasung gabun
Pero ing lugud da pwedi kang matambun

Sinabi mu ne ing ‘salamat’ misan mu man keng biye mo?
E para kareng aliwa para kareng pengari mu
O ing ‘kaluguran da kayu’ asambit mu ne?
E para kareng aliwa kung ali para karela

Kung e me pa asabi kaymut mu naman
Deng mapilan a letra na pwedi mo pang bilangan
Kulang pa wari ing gewa ra ba’ng asabi mo?
Deng salitang makalako pagal at makapasno

Reng pengari mung sasayad, kukusad, daraya
Papagal at makiipus kareng aliwa
Asapak mu ne ing yatu kareng salitang lilwal keng asbuk mu
Pero potang para karela bakit putut ya ing dila mu

Kaluguran mo waring talaga ba’t e mo asabi?
Reng amanung lulugud at manintindi
Pwedi mu no mang ibuga dyang makananu mu
Bastat igse mu lang manibatan keng kekang pusu

Kapilan mu wari balak sabyan deng salita?
Pota waring deng gamat da e no gagawa?
Tsaka ka magdisisyun na dapat mu nong iapse
Potang ing pangisnawa ra mepatad ne?

Datang at datang ing panaun ayta
Atin lang angganan deng tau tagana
Ing sakit at gaga mu na e mipagyu keng timba
Masikan mu mang gulisak ala neng agawa

Kasi e ra na damdaman nanu man ing sabyan mu
Dyang nanu ya kasanting ing lumwal keng asbuk mu
Anya ngeni pa sabyan muna bang e ka magsisi
Reng amanung lulugud at manintindi

——

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this: