i apung sinukuan

cauatasan capampangan

bunduc ning arayat@siwalangsinukuan

alaia; araiat@siwalangsinukuan

 

i apung sinukuan
augusto m. reyes (apung gusting)

Gatogátong anting bulung, ing ísip na luyung-lúyung,
King libútad ning dalúmdum at menúkup a dalúyung.
Ing tíkal nang sumpungsumpung, manamúyut é sumulung,
King tagimpa’nang lumábung é na balû nung nú santung.

Lilípo ya keti labuad, akakit meng lakadlakad,
King piblas nang mengalupad, asalamin meng kukúsad.
Itang buak nang sayadsáyad, mégutgut ne’t míbalíbad,
At legua’nang sakdal timyas, míkapékas nang balangkad.

Ing damlá nang titingkupan, pemanggírak dé ring daywan,
Dékurak re’t písagságan, déning alang pakundangan.
Gélogo de at simwákan ing dalíse nang karinan,
Sebugánan reng alkitran ing malíno paintungúlan.

Ding ápu nang báyung sapní mengarî lang pákatibî,
King dalisdis ning palsimî gilid na ning pinanárî.
Deng díla rang mégagutí, keng útutang salwaksabî,
Mamâpse lang tagpítagpî, gúlut da ring ípang sungkî.

Manyibsíbang áyup pinak mámako nong tunggal dítak.
Limpadlimpad no ring áwak bábo na ning meté barak.
Ing sibul nang malapílak a king sálû sulaksulak,
lálangî né at buburak at sisingong anting pitak.

Anya ikong talaturû agapan yung masalusû
Kapkapan yé karing pusû, matindag yung pamanyuyû.
É milako pangalugmû’t pangabuyun e mabugtû,
Nung pane nang mipanyunu, bagkus dápat mipáglualû.

 


 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: