saludu kang tatang

cauatasan capampangan

pacacalulu©siwalangsinukuan

magdulap©siwalangsinukuan

 

saludu kang tatang
antonio mallari medina

1
Tuknang na ka Tatang king obra king gabun,
Gewa mu na’ng sabla, makabang panaun,
Keng idad mung iyan, e ra ka lampasan,
Ing bilang ning banua, kekami pigsilbian.

2
Atatandanan ku iniang I apu ku,
Mirate king sakit, memun ne king yatu,
Meging mabayat na, ita nang obra mu,
Obra king marangle, bilang ortelanu.

3
Lumbe ing dinanas inyang likuan na ka,
Nitang pengari mu king sipag kilala,
King lugud ning Ginu at pamibabata,
Meging ortelanu yang mirikil keka.

4
Bayu pa man iti, aluagi kang sikat,
Kayabeng ginawa karing baleng tanyag,
Pasbul at ‘cabinet’ ustu mong piglapat,
Inia detang ‘foreman’ buri e ka kalag.

5
Pobreng ortelanu, ya ing lawe da ngan,
Gagambul king gabun, minanang asikan,
Ing maslam nang pawas, pagal at sikanan,
Yang gewang puunan ning kekaming Tatang!

6
Imbut na na rugu ikaming anak na’,
Bukas o makadua, kabilian minawa,
Degisut na kami linub king eskuela’,
Ba kaming mabiasa, isip mu sumala.

7
Kuku ding bitis na ampong kayang gamat,
Mepupung deti ngan uling makababad,
King danum ning sapa’t paliging maburak,
Kayabe na niti ning obrang mabayat.

8
E mu pamanasik ing balu nang gawan,
Dagdag panakitan, ing dakap yang asan,
Dakal itu’t bulig akakwa king bunwan,
Atin yang bukatut, king sapa inumang.

9
Keta king baryu mi, itang bie mi simpli,
Pibata na rugu maluka nang bili,
Mayap kapagnasan ita nang matua mi,
Galal binie ning Dios, ablas king pangadi.

11
Oktubri katorse yang aldo kebaitan,
Sadiang matua na ka, dapat nakang tuknang,
Obra king taldawa, a sobrang liguran,
Sarul, aswe , bunwan, ilele mu no ngan.


 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: